Петер Домокош

Петер Домокош
Файл:Домокош П..jpg
Чужан лун	1936-ӧд вося тӧвшӧр тӧлысь 15-ӧд лун(1936-01-15)
Чужанін	Suseni[d], Харгита[d], Румыния
Кулан лун	2014-ӧд вося ода-кора тӧлысь 27-ӧд лун(2014-05-27) (78 арӧс)
Куланін	Будапешт, Мадьяр Му
Страна	Мадьяр Му
Мыйся уджыс	историк литературы, лингвист, Finno-Ugrist
Бать	Pál Péter Domokos[d]
Ошканпасъяс да премияяс

Домокош Петер (1936-ӧд вося тӧвшӧр тӧлысь 15-ӧд лун, Венгрияын Дердьофалу сикт — 2014-ӧд вося ода-кора тӧлысь 27-ӧд лун, Будапешт) — Маддярмуысь нималана туялысь, фин-йӧгра литература туялысь, общественнӧй удж вӧчысь.

Олантуй

Пал Петер Домокош чужӧма Венгрияын Дердьофалу сиктын 1936-ӧд вося тӧвшӧр тӧлысь 15-ӧд лунӧ.

1959-ӧд воын помалӧма Лоранд Этвеш нима Будапештса университет. 6 во велӧдіс литература да кыв Будапештса гимназияын.

1965—1970-ӧд воясын уджалӧма лекторӧн Ленинградса канму университетысь фин-йӧгра филология кафедраын.

1970 восянь — Сегедса университетын научнӧй сотрудник,

1971-ӧд восянь профессор Домокош велӧдӧма Будапештса университетысь фин-йӧгра филология кафедраын. 1973-ӧд воын дорйӧма кандидат ним вылӧ диссертация (удмурт литература историяысь), 1984-ӧд воын — доктор ним вылӧ диссертация (этша лыда урал войтырлӧн литература лӧсьӧдӧм).

Кулӧма 2014-ӧд вося ода-кора тӧлысь 27-ӧд лунӧ Будапештын.

Коми Республикалы козин

2009 воын Петер Домокош козьналіс Коми Республикалы финн-йӧгра кывъяскӧд йитчӧм ассьыс библиотекасӧ, мый сійӧ чукӧртіс олӧм чӧжсӧ. Тайӧ коллекцияын медся важ небӧгъясыс йӧзӧдан кад серти сертиыс:

• суйӧрсайса кыв вылын — Castrèn Alexander. Versuch einer ostjakischen Sprachlehre nebst kurzem Wörterverzeichniss. – St. Petersburg : Die Keiserliche Akademie der Wissenschaften, 1849.
• роч кыв вылын – Замысловский Е. Герберштейн и его историко-географические известия о России: сочинение Е. Замысловского : с приложением материалов для историко-географического атласа России XVI в. – Санкт-Петербург : Тип. брат. Пантелеевых, 1884. – 563 с.
• коми кыв вылын – Попов Н. П. Кодi мыжа? : вит торъя драма / Жугыль. – Сыктывдiн кар : Комi нiга лэдзанiн, 1923.

Тайӧ небӧгъяснас позьӧ тӧдмасьны Коми Республикаса национальнӧй библиотекаын либӧ электроннӧя сылӧн сайт вылын.

Туялан удж

1972 воын дорйис «Удмурт литературалӧн история» тема вылӧ кандидатскӧй диссертация, 1984 воын — «Ичӧт уральскӧй войтыръяслӧн литература история» тема вылӧ докторскӧй диссертация.

«Удмурт литературалӧн история» монографияын (Будапешт, 1975; Ижевск, 1993) сійӧ петкӧдліс удмурт литературалысь история, кыв, народно-поэтическӧй вужъяссӧ, восьтіс сылысь тӧдчана бокъяссӧ коми, мари, мордва да чуваш литературакӧд типологическӧя орччӧдӧмын.

Мӧд тӧдчана удж — «Формирование литератур малых уральских народов» монография (Йӧшкар-Ола, 1993). Ӧти национальнӧй литературалӧн историяыс пырӧ ичӧт урал войтыръяслӧн 20 гӧгӧр литературалӧн сӧвман история, налӧн йитӧдъяс, ӧта-мӧдкӧд йитӧдъяс, налысь ӧтувъя да торъялана чертаяс туялӧмӧ, урчитӧ мирӧвӧй литератураын налысь местасӧ.

П. Домокошлӧн йӧзӧдӧма 300 сайӧ наука удж.

Небӧгъяс

• A finn irodalom fogadtatwasa Magyarorszwagon. Budapest, 1972.
• Vatka meg Kalmez. Votjwak mondwak wes meswek. Budapest, 1974.
• Az udmurt irodalom tortwenete. Budapest, 1975.
• Medvewenek. A keleti finnugor irodalmwanak kistükre. Budapest, 1975.
• Handbuch der uralischen Literaturen. Szeged, 1983.
• Itwaisten suomalais/ugrilaisten kansojen kirjallisuudesta. Helsinki, 1983.

Наградаяс

• Заслуга орденлӧн Командор крест (1996).
• Мария мулӧн 5 класса Крест орден (1999, Эстония).
• Пушкин медаль (2006, Россия) — Россия Федерацияса да Венгрия Республикаса войтыръяслысь культураяс матыстӧмӧ да ӧта-мӧдсӧ озырмӧдӧмӧ ыджыд пай пуктӧмысь .

Литература

• Петер Домокош — Почетный доктор Санкт-Петербургского государственного университета // Петыркарса университет (2006.10.16; рочӧн)
• Удмуртская республика: Энциклопедия / Гл. ред. В. В. Туганаев. — Ижевск: Удмуртия, 2000. — 800 с. — 20000 экз. — ISBN 5-7659-0732-6
• Bereczki Gábor. A 70 éves Domokos Péter köszöntése  (неопр.) (pdf). Európai Utas (folyóirat) (2006). Шыӧдчан кадпас: 31 ода-кора 2010. Архивируйтӧма оригинала 4 рака т. 2016 года.
• Domokos Péter. Tudományos életrajz  (неопр.). Шыӧдчан кадпас: 31 ода-кора 2010. (недоступная ссылка)
• Domokos Péter adatlapja  (неопр.). Országos Doktori Tanács. Шыӧдчан кадпас: 31 ода-кора 2010.
• Mizser Lajos. Domokos Péter két könyve – oroszul  (неопр.). Шыӧдчан кадпас: 31 ода-кора 2010.
• Dr. Domokos Péter finnugrisztika professzor kitüntetése  (неопр.). Oktatási és Kulturális Minisztérium (24 ода-кора 2006). Шыӧдчан кадпас: 31 ода-кора 2010.
• A szentpétervári egyetem díszdoktora lett Domokos Péter professzor  (неопр.). MTV Archívum (2006). Шыӧдчан кадпас: 31 ода-кора 2010.
• Domokos Péter. A kisebb uráli (finnugor) irodalmakról  (неопр.). Magyar Napló. A Magyar Írószövetség lapja (2003). Шыӧдчан кадпас: 31 ода-кора 2010. Архивируйтӧма оригинала 23 тӧвшӧр 2009 года.
• Domokos Péter. A Kalevala nálunk és nyelvrokonainknál  (неопр.). Kortárs (folyóirat) (1999). Шыӧдчан кадпас: 31 ода-кора 2010. Архивируйтӧма оригинала 28 кӧч т. 2011 года.