Перейти к содержанию

Кравцов Сергей Сергеевич

Босьтӧма Мегавикиысь
Рувикиын эмӧсь мукӧд йӧз йылысь статьяяс, кодъяслӧн овыс Кравцов.
Сергей Сергеевич Кравцов
Флаг
Россия Федерацияса йӧзӧс велӧдан министр
Флаг
2020.01.21
(у. в. 2024.05.7—13)
Веськӧдлан котырӧн юрнуӧдысь Михаил Мишустин
Андрей Белоусов (у. в.)[1]
Президент Владимир Путин
Водзвывса уджалысь Ольга Васильева
Флаг
Рособрнадзорӧн веськӧдлысь
Флаг
2013.08.08 — 2020.01.21
Веськӧдлан котырӧн юрнуӧдысь Дмитрий Медведев
Президент Владимир Путин
Водзвывса уджалысь Иван Муравьев
Удж водзӧ нуӧдысь Анзор Музаев
Чужис 1974 вося рака тӧлысь 17-ӧд лун
Москва, РСФСР, СССР
Ютыр Единая Россия
Велӧдчӧм Москваса канму восьса педагогика университет,
МГИМО
Учёнӧй степень педагогика наукаяс доктор
Учёнӧй звание доцент
Наградаяс
«За честь и мужество» медаль (Кемерово обласьт)
Логотип РУВИКИ.Медиа Медиафайлы на РУВИКИ.Медиа

Кравцов Сергей Сергеевич (1974-ӧд вося рака тӧлысь 17-ӧд лун, Москва) — россияса канморт. Россия Федерацияса йӧзӧс велӧдан министр 2020 вося тӧвшӧр тӧлысь 21 лунсянь (у. в. 2024.05.7—13).

Педагогика наукаяс доктор (2007), доцент. Россия Федерацияса 3-ӧд класса тырвыйӧ канму сӧветник (2013). Рособрнадзорӧн веськӧдлысь (2013.08.08— 2020.01.21). «Единая Россия» ютырса генеральнӧй сӧветӧ пырысь 2021 вося ӧшым тӧлысь 4-ӧд лунсянь[2].

Олантуй

Сергей Кравцов чужис 1974 вося рака тӧлысь 17-ӧд лунӧ Москваын[3]. Батьыс — инженер, уджалӧма «Энергия — Буран» космическӧй корабльлӧн проект вылын. Мамыс — велӧдысь, «Информатика в школе» журналса шӧр редактор[4].

1996 воын Кравцов отличиеӧн помаліс Москваса канму восьса педагогика университет (2006 восянь — М. А. Шолохов нима Москваса канму гуманитарнӧй университет, 2015 воын вузсӧ пыртӧма Москваса педагогика канму университетӧ) «математика да информатика велӧдысь» специальносьт серти[3]. 1994—1996 воясӧ — Москва карса 176 номера школаын математика велӧдысьӧн[5].

1997 восянь 2002 воӧдз Кравцов уджаліс Россияса велӧдан академиялӧн велӧдӧмӧн веськӧдлан институтын, вӧлі младшӧй научнӧй сотрудникӧн, научнӧй сотрудникӧн, старшӧй научнӧй сотрудникӧн, лабораторияӧн веськӧдлысьӧн. 2000 воын помаліс Россияса МИД-лысь Москваса войтыркостса йитӧдъяс кузя канму институт «суйӧрсайса кыв тӧдӧмӧн канму да муниципальнӧй веськӧдлӧм» специальносьт серти[3].

2002 воын Кравцов заводитіс уджавны Россия Федерацияса йӧзӧс велӧдан министерствоын. 2004 восянь 2008 воӧдз вӧлі велӧдан да наука юкӧнын дӧзьӧр нуӧдан федеральнӧй службаӧн веськӧдлысь Виктор Болотовлы отсасьысьӧн[3].

2008 воын сійӧс индісны «Федеральнӧй тестируйтан шӧрин» федеральнӧй канму учреждениеса директорӧн, сэні дасьтісны ЕГЭ нуӧданног. 2009 воын юрнуӧдіс Россияса велӧдан академиялӧн велӧдӧмӧн веськӧдлан институтӧн[3].

2011 вося косму тӧлысьын Кравцовӧс индісны Россия Федерацияса велӧдан да наука министерстволӧн Регион сӧвмӧдан департаментса директорӧн; сідзжӧ 2011 воын вӧлі «Велӧдан юкӧнын уджалысьяслысь квалификация кыпӧдан да уджсикасӧ велӧдан академия» федеральнӧй канму учреждениеса ректорӧн[3]. 2012 вося июльын индісны Минобрнаукалӧн Уджтасъясӧн веськӧдлан да конкурснӧй процедураяс кузя департаментса директорӧн[3].

2013 вося моз тӧлысь 8-ӧд лунӧ Веськӧдлан котырлӧн тшӧктӧмӧн индӧма велӧдан да наука юкӧнын дӧзьӧр серти федеральнӧй службаӧн юрнуӧдысьӧн, вежӧма тайӧ чинын Иван Муравьёвӧс. 2017 вося йирым тӧлысь 28-ӧд лунсянь 2018 вося ода-кора тӧлысь 24-ӧд лунӧдз Кравцов вӧлі Россия Федерацияса велӧдан да наука министрӧс вежысьӧн — Рособрнадзорӧн юрнуӧдысьӧн, сы вӧсна мый ведомствоыс вӧлі велӧдан да наука министерство улын. 2018 воын велӧдан да наука юкӧнын дӧзьӧр нуӧдан федеральнӧй служба вӧлі вуджӧдӧма веськӧдлан котырлы; 2018 вося ода-кора тӧлысь 24-ӧд лунӧ Кравцовӧс бара индісны сійӧн юрнуӧдысьӧн[3].

2020 вося тӧвшӧр тӧлысь 21-ӧд лунсянь Кравцов юрнуӧдіс Россия Федерацияса велӧдан министерствоӧн[6].

2021 вося ӧшым тӧлысь 4-ӧд лунӧ Кравцов пырис «Единая Россия» ютырлӧн генеральнӧй сӧветӧ, сылысь кандидатурасӧ вӧлі вынсьӧдӧма ютырлӧн съезд вылын гӧлӧсуйтӧмӧн юрнуӧдысь органъяслӧн ротация серти[7]. Тайӧ жӧ чукӧртчӧм вылас Кравцовлы вӧлі сетӧма «Единая Россиялысь» партийнӧй билет[8].

2024 вося ода-кора тӧлысь 14 лунӧ Госдума вынсьӧдіс Кравцовӧс велӧдан министрӧн[9], тайӧ жӧ лунӧ РФ-са президент кырымаліс индӧм йылысь индӧдсӧ[10].

Туялан удж

1999 воын Кравцов дорйис «Мультимедиа технологияӧн вӧдитчӧмӧн математикаысь кольччысь велӧдчысьяскӧд занятиеяс нуӧдан методика» кандидатскӧй диссертация[3].

2007 воын Кравцов дорйис Россияса велӧдан академиялӧн Велӧдан содержание да методъяс институтын педагогика наукаяс докторлысь учёнӧй степень вылӧ «Россия Федерацияса школаясын профильнӧй велӧдӧм котыртӧмлӧн теория да практика» диссертация[3]. Официальнӧй оппонентъяснас вӧліны А. В. Баранников, В. И. Блинов да В. С. Данюшенков. 2013 вося моз тӧлысьын Кравцовӧс мыждіс Госдумаса депутат В. В. Бурматов, мый сылӧн докторскӧй диссертацияын эм плагиат[11].

Семья

Сергей Кравцов гӧтыра, эм кык челядь[3].

Санкцияяс

Кравцов Европаса Союзлӧн[12], Канадаса, АӦШ-са, Ыджыд Британияса, Швейцарияса, Австралияса, Выль Зеландияса санкцияяс улын.

Наградаяс

• Россия Федерацияса Веськӧдлан котырсянь аттьӧалӧм (2016 вося косму тӧлысь 6-ӧд лун) — «аймуса велӧдӧмлысь качество донъялан система сӧвмӧдӧмӧ тӧдчана пай пуктӧмысь, объективнӧй ӧтувъя канму экзамен нуӧданног бурмӧдӧмысь»[3][13];
• «Россия Федерацияса вылыс тшупӧда уджсикасӧ велӧдан юкӧнын почёта уджалысь» ним[14];
• Россия Федерацияса велӧдан да наука министерстволӧн почёт грамота[14];
• «За честь и мужество» медаль (Кемерово обласьт; 2015)[15];
• Россияса еврей котыръяс федерациялӧн премия «канморт» нимпасын (2021) — «велӧдан системаын Россияса войтыръяслысь национально-культурнӧй традицияяс дорйӧмысь»[16];
• Ёртлун орден (Башкортостан Республика) — «велӧдан система сӧвмӧдӧмӧ ыджыд пай пуктӧмысь» (2025)[17].

Пасйӧдъяс

  1. ↑ Исполнял обязанности главы Правительства Российской Федерации с 30 апреля по 19 мая 2020 года.
  2. ↑ Энциклопедия ТАСС, 2024. Кравцов, Сергей Сергеевич. Министр просвещения РФ
  3. ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 Кравцов, Сергей Сергеевич. Энциклопедия. ТАСС. Шыӧдчан кадпас: 26 лӧддза-номъя 2018. Архивируйтӧма 10 вӧльгым 2018.
  4. ↑ Борисов А. От учителя до министра // Санкт-Петербургские ведомости. — 2020. — 7 февр.
  5. ↑ Сергей Сергеевич Кравцов - Правительство России. government.ru. Шыӧдчан кадпас: 2 рака т. 2020. Архивируйтӧма 30 лӧддза-номъя 2020.
  6. ↑ Что известно о новом министре просвещения. ТАСС (21 тӧвшӧр 2020). Шыӧдчан кадпас: 15 урасьӧм 2021. Архивируйтӧма 5 ода-кора 2020.
  7. ↑ Сергей Кравцов вошёл в состав Генсовета «Единой России». Официальный сайт Министерства просвещения РФ (4 ӧшым 2021). Шыӧдчан кадпас: 4 ӧшым 2021. Архивируйтӧма 4 ӧшым 2021.
  8. ↑ Медведев вручил партбилеты "Единой России" руководству ДНР и ЛНР. ТАСС (4 ӧшым 2021). Шыӧдчан кадпас: 4 ӧшым 2021. Архивируйтӧма 4 ӧшым 2021.
  9. ↑ Госдума утвердила Кравцова на пост министра просвещения России. РИА "Новости" (14 ода-кора 2024). Шыӧдчан кадпас: 14 ода-кора 2024.
  10. ↑ Президент подписал указы о назначении членов Правительства Российской Федерации и директоров служб. kremlin.ru (14 ода-кора 2024). Шыӧдчан кадпас: 14 ода-кора 2024.
  11. ↑ Депутат обвинил нового главу Рособрнадзора в плагиате. РБК (12 моз т. 2013). Шыӧдчан кадпас: 8 лӧддза-номъя 2021. Архивируйтӧма 9 лӧддза-номъя 2021.
  12. ↑ Official Journal of the European Union // COUNCIL REGULATION (EU) 2022/2474. — 16 ӧшым (т. Volume 65). — С. 499. Архивировано 24 ӧшым 2022 года.
  13. ↑ Распоряжение Правительства Российской Федерации от 06.04.2016 № 599-р "О поощрении Правительством Российской Федерации". pravo.gov.ru. Официальный интернет-портал правовой информации. Шыӧдчан кадпас: 26 лӧддза-номъя 2018. Архивируйтӧма 11 сора т. 2020.
  14. ↑ 14,0 14,1 Кравцов Сергей Сергеевич. Официальный сайт Министерства просвещения РФ. Шыӧдчан кадпас: 22 тӧвшӧр 2020. Архивируйтӧма 10 сора т. 2020.
  15. ↑ Глава Рособрнадзора награжден медалью Кемеровской области «За честь и мужество». informio.ru (11 ӧшым 2015). Шыӧдчан кадпас: 21 кӧч т. 2020. Архивируйтӧма 4 ӧшым 2021.
  16. ↑ Академик Гинцбург и министр Кравцов стали лауреатами премии Федерации еврейских общин. Интерфакс (29 вӧльгым 2021). Шыӧдчан кадпас: 4 ӧшым 2021. Архивируйтӧма 4 ӧшым 2021.
  17. ↑ Гульфия Акулова. Радий Хабиров встретился с министром просвещения РФ Сергеем Кравцовым (рус.). ИА «Башинформ» (21 йирым 2025). Шыӧдчан кадпас: 1 вӧльгым 2025.

Ыстӧгъяс

Босьтӧма "https://kv.megawiki.ru/w/index.php?title=Кравцов_Сергей_Сергеевич&oldid=7895"-ысь