Перейти к содержанию

Инта

Босьтӧма Мегавикиысь
Тайӧ терминыслӧн эмӧсь мӧд вежӧртасъяс, видзӧд Инта (вежӧртасъяс).
Видлалӧм гижӧд


Кар
Инта
Файл:Инта, башня.jpg
Дӧрапас Канпас
Дӧрапас Канпас
66°02′23″ с. ш. 60°07′53″ в. д.GЯO
Страна  Россия
РФ-са субъект Коми Республика
Муниципальнӧй кытш Инта муниципальнӧй кытш
История да география
Лӧсьӧдӧма 1932 воын
Кар  1954 восянь
Шӧрин вылна 50
Час кытш UTC+3:00
Йӧз
Олысь лыд
Катойконим интаса
Лыдпаса идентификаторъяс
Телефон код +7 82145
Пошта индексъяс 169840 — 169849
ОКАТО код 87415
ОКТМО код 87515000001
Мукӧдтор
Карта
adminta.ru
Инта (Россия)
Точка
Инта
Москва
Логотип РУВИКИ.Медиа Медиафайлы на РУВИКИ.Медиа

Инта — Россияын кар, Коми Республикаысь Инта муниципальнӧй кытшса веськӧдлан шӧрин[2].

Карлӧн официальнӧй символъясӧн лоӧны дӧрапас, канпас да кып[3].

Ним артмӧм

Карлӧн нимыс йитчӧма Ыджыд Инта да Ичӧт Инта юяс нимъяскӧд, кодъяс визувтӧны вывті васӧдінъясті лыдтӧм-тшӧттӧм тыяс пыр. Ним подулас, тыдалӧ, куйлӧ и(д) ненеч кывйысь апеллятив «ва» да -та суффикс «озырлун, эмлун» вежӧртаса, артмӧ «ваӧн озыр ин», «уна ваа», «вывті васӧд ин»[4][5].

География

Кар пукалӧ вӧрса тундраын Урал гӧраяссянь рытыввылын, Коми Республика асыв-войвылын, Ыджыд Инта юлӧн шуйга берегын. Интасянь мунӧ медся дженьыд туйыс Ураллӧн медся джуджыд гӧраясӧдз: Народная гӧраӧдз, Карпинскӧй пикӧдз, Манарага гӧра йылӧдз да мукӧдӧдз[6].

Интасянь Сыктывкарӧдз веськыда 665 км, Москваӧдз — 1654 км.

Ывласям

Инта кар пырӧ Ылі Войвыв районъясӧ, ывласямыс континентальнӧй. Тані кузь кӧдзыд тӧв зумыд лымъя веркӧсӧн да ыркыд васӧд гожӧм, кӧні абу уна кымӧртӧм да жар лун[7][8]. Вогӧгӧрся шӧр температура — −3,9 °C. Сынӧдлӧн шӧркодь васӧдлуныс — 77,2 %. Тӧвлӧн шӧркодь ӧдыс — 3,7 м/с.

Ывласям Интаын
Петкӧдлас Тӧвшӧр тӧлысь Урасьӧм тӧлысь Рака тӧлысь Косму тӧлысь Ода-кора тӧлысь Лӧддза-номъя тӧлысь Сора тӧлысь Моз тӧлысь Кӧч тӧлысь Йирым тӧлысь Вӧльгым тӧлысь Ӧшым тӧлысь Во
Шӧркодь максимум, °C −16 −14,9 −7,4 −1,3 5,4 14,7 20,4 16,0 9,2 0,0 −8,2 −12,8 5,1
Шӧркодь температура, °C −20,8 −19,7 −13,2 −6,5 0,9 9,2 14,5 10,9 5,5 −3,2 −12,2 −17,3 −4,3
Шӧркодь минимум, °C −25,6 −24,5 −18,9 −11,7 −3,6 3,7 8,6 5,8 1,8 −6,3 −16,2 −21,8 −9,1
Енэжва норма, мм 29 24 25 27 37 47 59 63 58 50 38 33 490
Ӧшмӧс: [8]

Час кытш

Инта, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[9].

Вӧр-ва

Инта районлӧн (гӧравывса) ыджыдджык юкӧныс пырӧ «Югыд Ва» национал парклӧн видзан мутасъясӧ, мый меститчӧма ЮНЕСКО-лӧн «Комиын вӧрзьӧдлытӧм вӧръяс» ставмирса озырлун объектлӧн мутасын.

Татчӧс вӧръясын олӧны уна сикас лэбач да пемӧс: войвыв кӧр, йӧра, руд ош, кӧин, руч, сан, вӧркань да мукӧд. Юясын олӧны видзан чери сикасъяс: сёмга, европаса да сибырса ком, кумжа (палья) да мукӧд.

История

Карлы подувсӧ пуктӧма 1932 воын XX нэм заводитчигӧн ӧнія Инта районын восьтӧм энергетическӧй из шомлысь гырысь куйлӧдінъясын. Роч географическӧй обществоса тырвыйӧ член П. П. Матафтин отсӧгӧн куйлӧдсӧ восьтіс изшом тӧдысь Иван Николаевич Сорвачев[10]. 1940 восянь заводитісны промышленнӧя перйыны Интаса из шом, коді лоис Печӧраса из шом бассейнлӧн юкӧнӧн, сэки жӧ вӧлі лӧсьӧдӧма Инта посёлок.

1942 вося вӧльгым тӧлысь 25-ӧд лунсянь Кожва районса Косьювом сиктсӧветлӧн Инта сиктса посёлок вӧлі пӧртӧма кар кодь посёлокӧ. Медводдза нёль восӧ Интастрой корсис из шомлысь выль куйлӧдъяс, стрӧитіс шахтаяс, а сідзжӧ лӧсьӧдіс энергетическӧй да ремонтно-механическӧй база. Медводзсӧ шахтаяссӧ да кӧрт туйсӧ стрӧитісны ГУЛАГ-са (Интаса да Минеральнӧй ИТЛ-са) лагеръясын пукалысьяс. Минеральнӧй ИТЛ-ын ӧтпырйӧ видзлісны 34,5 сюрсӧдз пукалысьясӧс[11]. Из шом перйӧм заводитчис 1943 воын, и сійӧ жӧ воас интаса из шомӧн медводдза состав вӧлі мӧдӧдӧма блокадаын Ленинградӧ[12].

1954 вося тӧвшӧр тӧлысь 1 лунӧ Инта район, шӧриннас Вылыс Инта посёлок, вӧлі петкӧдӧма Кожва район пытшкысь, а 1954 вося йирым тӧлысь 4-ӧд лунӧ сылы сетісны карлысь статус. 1955 воын Инта кар лои Инта районлӧн шӧринӧн[13]. 1957 вося кӧч тӧлысь 28-ӧд лунӧ Инталы сетісны республикаса тӧдчанлуна карлысь статус[14].

СССР-лӧн киссьӧм бӧрын из шом перйӧмыс ёна чиніс, Инталӧн экономикаыс киссис, эз коль ни ӧти шахта квайт шахтаысь. Та вӧсна чинісны уджалан местаяс да уна йӧз мунісны карысь.

Олысь лыд

Олысь лыд
1959[15]19661967[16]1970[17]1973[18]1976[19]
45 136↗49 800↗51 000↘50 178↗51 000↘50 000
1979[20]1982[21]1986[22]1987[23]1989[24]1992[25]
↗50 862↗53 000↗57 000↗58 000↗60 220↗60 700
1996[26]2001[27]2002[28]2003[29]2005[30]2006[31]
↘55 100↘49 100↘41 217↘41 200↘38 800↘37 500
2007[32]2008[33]2009[34]20102011[35]2012[36]
↘36 200↘35 200↘33 442↘32 080↗32 100↘30 524
2013[37]2014[38]2015[39]2016[40]2017[41]2018[42]
↘29 404↘28 491↘27 723↘26 983↘26 271↘25 444
2019[43]2020[44]2021[45]
↘24 878↘24 121↘20 271


10 000
20 000
30 000
40 000
50 000
60 000
70 000
1967
1982
1996
2006
2011
2016
2021

2020 вося Россияын став олысьясӧс гижалӧм мыччӧдъяс серти, 2021 вося йирым тӧлысь 1 лун кежлӧ олысь лыд серти карыс вӧлі 661-ӧд местын Россия Федерацияса 1118[46] карысь[47].

Административнӧй тэчас

Инта карын эм некымын микрорайон:

  • Шӧр
  • Рытыввыв
  • Асыввыв
  • Юсай (Сельхоз)
  • Лунвыв
  • Шахтёрскӧй
  • Горнӧй
  • Спортивнӧй
  • Транспортнӧй.

Экономика

Промышленносьтлӧн медшӧр сикасӧн вӧлі из шом перйӧм. 2018 вося сора тӧлысь 2-ӧд лунӧ «Интауголь» акционер котырлӧн директоръяслӧн сӧвет, коді лоӧ кар артмӧдысь предприятиеӧн, примитіс убытка вӧсна предприятие бырӧдӧм йылысь помшуӧм[48].

Карын эм нянь вӧчан завод, кӧр яй переработайтан цех да йӧв завод («Инта приполярнӧй» агрокомплекс). Интасянь неылын эмӧсь марганеч рудалӧн гырысь куйлӧдъяс (Парнокса кӧрт-марганеч куйлӧд), найӧ шогмӧны инвестицияяс вылӧ[49].

«Монокаръяслысь лыддьӧг вынсьӧдӧм йылысь» Россия Федерацияса Веськӧдлан котырлӧн 2015 во косму тӧлысь 16-ӧд лунся 668-р №-а тшӧктӧмӧн Инта кар пыртӧма «Россия Федерацияса ӧти нырвизя (монопрофильнӧй) муниципальнӧй юкӧнъяс (монокаръяс), кӧні эм социальнӧй да экономика боксянь серпас лёкмӧмлӧн риск» категорияӧ[50].

Культура

• Интаын эм краведеческӧй музей.
• Петӧ «И́скра — твоя городская газета» газет[51], куимысь вежоннас.
• Эм федеральнӧй телевидение (20 телеканал). Эм и татчӧс «5 канал» телестудия, сійӧ лэдзӧ выльторъяс ТНТ каналын.

Велӧдӧм

1 №-а лицей

Карын эм 12 челядьлы сад, нӧшта нёль — Инта кытшса мукӧд посёлокын: Юсьтыдорын, Вылыс Инта посёлокъясын да Абезь да Петрунь сиктъясын. Инта кытшын эм 15 шӧр школа, на лыдын кык гимназия да ӧти лицей. Таысь кындзи, Адзвавом сиктын 2013 во шӧрӧдз вӧлі «Адзвавом сиктса ичӧт школа-сад»[52].

Шӧр специальнӧй велӧдчанінъясысь эм «Интаса политехническӧй техникум»[53].

Карын эмӧсь содтӧд тӧдӧмлун сетан шӧринъяс: «Школабӧрса удж кузя шӧрин», «Велӧдчысь том йӧзлӧн шӧрин», «Том натуралистъяслӧн станция», «Искусствояс школа» да мукӧд.

Нималана йӧз

• Гайзер Вячеслав Михайлович (1966 вося ӧшым тӧлысь 28-ӧд лун, Коми АССР-са Инта кар) — Коми Республикаса Юралысь (2010—2015);
• Чернов Александр Александрович (1877 вося сора тӧлысь 23-ӧд лун, Перым губерняса Соликамск — 1963 вося тӧвшӧр тӧлысь 23-ӧд лун, Сыктывкар) — россияса да советскӧй туялысь-геолог да палеонтолог. Коми АССР-са наукаын нимӧдана уджалысь (1944), Социалистическӧй Уджвывса Герой (1957), РСФСР-са наукаын нимӧдана уджалысь (1946)[54][55], Коми Республикаса Почёта гражданин (2011) [56][57];
• Мартышин Максим Юрьевич (1979-ӧд вося рака тӧлысь 29-ӧд лун, Инта, Коми Республика) — россияса канморт, «Сыктывкар» муниципальнӧй юкӧнлӧн юралысь — администрацияӧн веськӧдлысьлысь удж вӧчысь (2025 вося моз тӧлысь 28-ӧд лунсянь).

Тӧдчана эмторъяс

Инталысь историческӧй юкӧнсӧ («Важ карсӧ») стрӧитӧма XX нэм шӧрын да тані уна кык судта пу керкаяс. Ва сетан башняыс лоӧ Интаса медшӧр ыджыд тӧдчанторйӧн, сійӧс стрӧитісны 1953—1954 воясӧ. Архитекторнас вӧлі политзаключённӧй Артур Тамвелиус, Эстонияысь этническӧй швед[58]. Ӧні башняыс оз сет ва[59], сэні восьтӧма политическӧй репрессияяслӧн история музей.

Важ кар сайын эм ді, кӧні лӧсьӧдӧма шойччан парк. Подӧн ветлысь-мунысьяслы ді вылӧ позьӧ веськавны медсясӧ ӧшалысь поскӧд. Эм сідзжӧ автомашина пос, кӧні мунан пасьтаыс 5 м гӧгӧр да кыкнанладорсяньыс потшӧма пода туйясӧн.

Кирпичысь вӧчӧм керкаяс да унджык олысьыс чукӧрмӧмаӧсь карлӧн мӧд юкӧнын, сідз шусяна «Выль карын». Кирпичысь вӧчӧм керкаяслӧн абу уна аслыспӧлӧслуныс, но быд керкалӧн аслас орнамент, кодӧс кызвыннас вӧчӧма зарни рӧма гӧрд кирпичӧн.

Пасйӧдъяс

  1. ↑ https://rosstat.gov.ru/storage/mediabank/tab-5_VPN-2020.xlsx
  2. ↑ Попов А., Минко И. Инта // Республика Коми. Энциклопедия. Том II. — Сыктывкар: Коми книжное издательство, 1999. — С. 30-31.
  3. ↑ Инта. Общая информация, Официальный сайт МО "Инта" Республики Коми. Шыӧдчан кадпас: 5 рака т. 2025.
  4. ↑ А.П. Афанасьев. Топонимия Республики Коми. Словарь-справочник. Сыктывкар: Коми книжное издательство, 1996., РТА ИЮ Коми туялан шӧринса КЛИИ-ын кыв юкӧд. Шыӧдчан кадпас: 4 рака т. 2025.
  5. ↑ Поспелов, 2008, с. 205.
  6. ↑ Национальная библиотека Республики Коми. Природа Интинского округа. Шыӧдчан кадпас: 28 сора т. 2016. Архивируйтӧма 17 моз т. 2016.
  7. ↑ Республика Коми. Инта, Мир путешествий и приключений. Шыӧдчан кадпас: 4 рака т. 2025.
  8. ↑ 8,0 8,1 Климат Инта (Российская Федерация), ru.climate. Шыӧдчан кадпас: 4 рака т. 2025.
  9. ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора т. 2025).
  10. ↑ Углезнатец Сорвачев. Шыӧдчан кадпас: 19 лӧддза-номъя 2016. Архивируйтӧма 22 моз т. 2016.
  11. ↑ Особый лагерь № 1, Минеральный ИТЛ (рус.). Шыӧдчан кадпас: 28 ода-кора 2010. Архивируйтӧма 3 рака т. 2016.
  12. ↑ Инта. Памятные даты. Шыӧдчан кадпас: 12 лӧддза-номъя 2015. Архивируйтӧма 14 лӧддза-номъя 2015.
  13. ↑ Ведомости Верховного Совета СССР. № 11 (829), 1955 г.
  14. ↑ Ведомости Верховного Совета СССР. № 26 (893), 1957 г.
  15. ↑ http://demoscope.ru/weekly/ssp/rus59_reg2.php.
  16. ↑ http://www.MojGorod.ru/r_komi/inta/index.html.
  17. ↑ http://demoscope.ru/weekly/ssp/rus70_reg2.php.
  18. ↑ http://www.MojGorod.ru/r_komi/inta/index.html.
  19. ↑ http://www.MojGorod.ru/r_komi/inta/index.html.
  20. ↑ http://demoscope.ru/weekly/ssp/rus79_reg2.php.
  21. ↑ http://istmat.info/files/uploads/15623/narodnoe_hozyaystvo_sssr_1922-1982.pdf.
  22. ↑ http://www.MojGorod.ru/r_komi/inta/index.html.
  23. ↑ https://www.webcitation.org/6ibsmTCzx.
  24. ↑ http://demoscope.ru/weekly/ssp/rus89_reg2.php.
  25. ↑ http://www.MojGorod.ru/r_komi/inta/index.html.
  26. ↑ http://www.MojGorod.ru/r_komi/inta/index.html.
  27. ↑ http://www.MojGorod.ru/r_komi/inta/index.html.
  28. ↑ http://www.perepis2002.ru/ct/doc/1_TOM_01_04.xls.
  29. ↑ http://www.MojGorod.ru/r_komi/inta/index.html.
  30. ↑ http://www.MojGorod.ru/r_komi/inta/index.html.
  31. ↑ http://www.MojGorod.ru/r_komi/inta/index.html.
  32. ↑ http://www.MojGorod.ru/r_komi/inta/index.html.
  33. ↑ http://www.gks.ru/bgd/regl/b08_14t/IssWWW.exe/Stg/sz/02.htm.
  34. ↑ http://www.gks.ru/bgd/regl/B09_109/IssWWW.exe/Stg/d01/tabl-21-09.xls.
  35. ↑ http://www.MojGorod.ru/r_komi/inta/index.html.
  36. ↑ http://www.gks.ru/free_doc/doc_2012/bul_dr/mun_obr2012.rar.
  37. ↑ http://www.gks.ru/free_doc/doc_2013/bul_dr/mun_obr2013.rar.
  38. ↑ http://komi.gks.ru/wps/wcm/connect/rosstat_ts/komi/resources/090b768043529cd496ccd774665da2b8/Оценка+численности+населения+по+городским+округам%2C+муниципальным+районам%2C+поселениям+и+городским+населенным+пунктам.doc.
  39. ↑ http://www.gks.ru/free_doc/doc_2015/bul_dr/mun_obr2015.rar.
  40. ↑ http://www.gks.ru/free_doc/doc_2016/bul_dr/mun_obr2016.rar.
  41. ↑ http://www.gks.ru/free_doc/doc_2017/bul_dr/mun_obr2017.rar.
  42. ↑ http://www.gks.ru/free_doc/doc_2018/bul_dr/mun_obr2018.rar.
  43. ↑ http://www.gks.ru/free_doc/doc_2019/bul_dr/mun_obr2019.rar.
  44. ↑ https://rosstat.gov.ru/storage/mediabank/CcG8qBhP/mun_obr2020.rar.
  45. ↑ https://rosstat.gov.ru/storage/mediabank/tab-5_VPN-2020.xlsx.
  46. ↑ с учётом городов Крыма
  47. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более (XLSX).
  48. ↑ REGNUM. Жители Инты массово продают квартиры за бесценок. Шыӧдчан кадпас: 3 сора т. 2018. Архивируйтӧма 4 сора т. 2018.
  49. ↑ Освоение Парнокского месторождения железо-марганцевых руд (Интинский район, Республика Коми). Шыӧдчан кадпас: 24 кӧч т. 2018. Архивируйтӧма 24 кӧч т. 2018.
  50. ↑ Распоряжение Правительства РФ от 16 апреля 2015 года № 668-р «Об утверждении перечня моногородов». Шыӧдчан кадпас: 4 ода-кора 2017. Архивируйтӧма 5 рака т. 2021.
  51. ↑ О Редакции «Искра» (рус.). Искра. Шыӧдчан кадпас: 8 йирым 2010. Архивируйтӧма оригинала 5 урасьӧм 2012 года.
  52. ↑ Образовательные учреждения (рус.). Администрация МОГО «Инта». Шыӧдчан кадпас: 4 тӧвшӧр 2011. Архивируйтӧма 19 моз т. 2011.
  53. ↑ В г. Инте создан техникум (рус.). Образовательный портал Республики Коми (2011-11-31). Шыӧдчан кадпас: 5 лӧддза-номъя 2011.
  54. ↑ Чернов Александр Александрович // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
  55. ↑ Календарь знаменательных и памятных дат Пермского края на 2007 год / Сост. О. С. Баранова; Пермская обл. б-ка им. А. М. Горького. — Пермь, 2006. (DOC Архивируйтӧма 20 кӧч т. 2011 вося.)
  56. ↑ В Национальном музее Коми открыли зал славы почетных граждан республики
  57. ↑ Книга почета Республики Коми
  58. ↑ dimonoid. 55 лет интинской башне (рус.). Blogspot (8 вӧльгым 2009). Шыӧдчан кадпас: 9 йирым 2010. Архивируйтӧма 5 рака т. 2016.
  59. ↑ Минина, Оксана Городок в Приполярье (рус.). Искра (21 сора т. 2011). Шыӧдчан кадпас: 26 сора т. 2011. Архивируйтӧма 31 рака т. 2022.

Литература

  • Афанасьев А. П. Топонимия Республики Коми. — Сыктывкар: Коми кн. изд-во, 1996 ISBN 5-7555-0554-3
  • Жеребцов И. Л. Где ты живёшь: Населённые пункты Республики Коми. — Сыктывкар, 2000.
  • Историко-культурный атлас Республики Коми. — Москва: Дрофа, 1997. ISBN 5-287-00027-8
  • Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
  • Республика Коми. Энциклопедия в 3-х томах. — Сыктывкар: Коми книжное издательство, 1997, 1998, 2000. — Т. I, II, III. ISBN 5-7555-0617-5
  • Поспелов Е. М. Географические названия России. Топонимический словарь. — М.: Астрель, АСТ, 2008. — 523 с. — 1500 экз. — ISBN 978-5-17-054966-5.
  • Сюткин А. Ф., Чукичев М. П. Население и административно-территориальное деление // Коми АССР. Краткий справочник / Под ред. Л. Габова. — 1-е изд. — Сыктывкар: Коми книжное издательство, 1966. — С. 11. — 224 с. — 15 000 экз.

Ыстӧдъяс


Коми Республикаса каръяс Coat of arms of the Komi Republic Flag of the Komi Republic
Вӧркута | Вуктыл | Емва | Инта | Микунь | Печӧра | Сосногорск | Сыктывкар | Уква | Ускар
Босьтӧма "https://kv.megawiki.ru/w/index.php?title=Инта&oldid=6518"-ысь