Бутырева Галина Васильевна

Бутырева Галина Васильевна
Бутырева Галина Васильевна
Чужан лун	1944-ӧд вося кӧч тӧлысь 12-ӧд лун (82 арӧс)
Чужанін	Йӧртымдін, Удора район, Коми АССР, РСФСР, Сӧветскӧй Социалистическӧй Республикаяслӧн Союз;
Страна	Сӧветскӧй Социалистическӧй Республикаяслӧн Союз; Россия;
Мыйся уджыс	гижысь, журналист, поэт, прозаик, вуджӧдчысь, филолог
Ошканпасъяс да премияяс	;

Файл:Бутырева Г.В.jpg

Бутырева Галина Васильевна (1944) — коми гижысь ^[1]

Бутырева Галина Васильевна (комиӧн — Вась Галя) (1944) — коми гижысь, общественник, Коми Республикаса культураын нимӧдана уджалысь.

Олан туй

Галина Бутырева чужӧма 1944-ӧд вося кӧч тӧлысь 12-ӧд лунӧ Удора районса Йӧртымдін сиктын. 1962-ӧд воын помалӧма Важгортса шӧр школа, 1966-ӧд воын — Коми канмуса педагогика институт да босьтӧма «Роч кыв да литература велӧдысь» специальносьт. 1966—1968-ӧд воясын велӧдӧма школаын, 1968—1986 — редакторалӧма телевидениеын.

1986—1991-ӧд воясын — Коми АССР-са культура министрӧс вежысь. 1991—1992-ӧд воясын — финн-йӧгра войтырлысь культураяс сӧвмӧдан Фондын консультант-координатор, 1992—1993-ӧд воясын — Коми Республикаса культура министерство бердын Республикаса финн-йӧгра культура шӧринса директор. 1993—1994-ӧд воясын — национальносьтъяс делӧяс серти Коми Республикаса канмуса комитетӧн веськӧдлысь, 1994—1995 — Коми Республикаса национальносьтъяс делӧяс серти министр, 1995—1999-ӧд воясын — Коми Республикаса Юралысьӧс вежысь социальнӧй юкӧн серти.

1997—2015 — «Арт» журналса шӧр редактор.

Гижан удж

Галина Бутырева тӧдса кыдзи поэт. Гижӧ комиӧн и рочӧн.

Йӧзӧдӧма некымын кывбур чукӧр: «Пас туй» (1989), «Бог с тобой» (1994), «Сёкатӧ, эзысьӧ, донаӧ…» (1999), «К портрету моей Родины» (2002), «Да будет имя Твоё» (2003), «Ритмы реки» (2004), «Бурӧ-визьӧ» (2005), «Лов шы» (2008).

Аслас творчествоын поэтесса вӧдитчӧ коми да роч поэзиялы гежӧд стихӧн – верлибрӧн (рифматӧм стих). Бутыревалӧн кывбуръяс — олӧм, Коми му, вӧр-ва, мир да муслун йылысь мӧвпалӧмъяс.

Галина Бутыревалысь кывбуръяссӧ вуджӧдӧма эст, финн, венгер, норвег да англия кывъяс вылӧ.

Гижысь сідзжӧ вуджӧдчӧ: комиӧдӧ роч да финн-йӧгра гижысьясӧс.

Бутырева — Россияса Журналист котырӧ пырысь (1978), Россияса Гижысь котырӧ пырысь (1997), «Россияса пресса котырӧ» почётнӧй пырысь (2008).

Та кындзи гижысь тӧдса кыдзи фотосерпасалысь. ^[1]

Небӧгъяс

Галина Бутырева йӧзӧдіс 10 сайӧ небӧг: ^[2]

Комиӧн

Пас туй: кывбуръяс. — Сыктывкар: Коми кн. изд-во, 1989. — 24 л.б.
Сёкатӧ, эзысьӧ, донаӧ...: кывбуръяс / Серпасаліс Г.Н. Шарипков. — Сыктывкар: Коми кн. изд-во, 1999. — 108 л.б.
Бурӧ-визьӧ: кывбуръяс, кевмысьӧмъяс, сьыланкывъяс, вуджӧдӧмъяс / Серпасаліс Ю.Н. Лисовский. — Сыктывкар, 2005. — 144 л.б.
Лов шы: кывбуръяс, вуджӧдӧмъяс / [серпасаліс Ю.Н. Лисовский]. — Сыктывкар: Кола, 2008. — 144 л.б.
И вӧлі ю... Кывбуръяс, вуджӧдӧмъяс / Худ. ред. Г.Н. Шарипков — Сыктывкар: «Кола», 2014. — 192 л.б. (тираж 1170 экз.)

Роч кыв вылӧ вуджӧдӧмӧн

Бог с тобой: стихи. — Сыктывкар: Коми кн. изд-во, 1994. — 80 с. (рочӧн, комиӧн).
Сад друзей: стихотворения / [предисл.] Надежды Мирошниченко. — Сыктывкар, 1997. — 127 с.
Васильева, Т., Бутырева, Г. Диалог : живопись, графика, стихи. — М.: Дизайн. Информация. Картография, 2001. — 159 с.
К портрету моей родины: стихи / Художник Ю.Н. Лисовский. — Сыктывкар, 2002. — 223 с.
Да будет имя Твоё : мирские молитвы / [Худож. Т.В. Васильева]; вступ. слово епископа Сыктывкар. и Воркут. Питирима; послесл. авт. — Сыктывкар, 2003. — 40 с.
Ритмы реки: фотографии, стихи. — Сыктывкар, 2004. — 64 с.
Васильева Т., Бутырева Г. Земное небо: [альбом] / Татьяна Васильева: живопись, графика; Галина Бутырева: стихи.— Сыктывкар, 2006. — 159 с.

Мукӧд кыв вылӧ вуджӧдӧмӧн

Ыпъялӧ сись... = Еще горит свеча... = Loistaa kynttilä... = Leegitseb küünal... : кывбуръяс, вуджӧдӧмъяс / Серпасаліс Ю.Н. Лисовский. — Сыктывкар: Кола, 2009. — 160 л.б. (коми, роч, венгер, эст, финн, норвег да англия кывъяс вылын).

Наградаяс

Коми Республикаса культураын нимӧдана уджалысь (1994)
Коми Республикаса Веськӧдлан котырлысь литератураын (И.А. Куратов нима) премиа босьтысь (2005) — «Сёкатӧ, эзысьӧ, донаӧ...» да «К портрету моей Родины» небӧгъясысь
Вежа благовернӧй князь Даниил Московскӧй нима медаль (1998) — Роч Православнӧй вичколӧн
II тшупӧда «Айму водзын заслугаясысь» орденлӧн медаль (2005)
«Коми Республика водзын заслугаясысь» пас (2006)
«Коми Республикалы 100 во» медаль (2021)^[3]

Ӧшмӧсъяс

Ыстӧдъяс

[Unnamed-20230318171554-1] 1,0 ^1,1 Литературная фотогалерея Галины Бутыревой

[2] Бутырева Галина Васильевна

[3] Глава Коми вручил государственные награды Российской Федерации и Республики Коми // «Комиинформ» юӧр сетан агентство (2021.08.20-ӧд лун; рочӧн

[1]

[2]

[3]